القضيه : المرأه العامله انا الحاجه صبرا جوزي مات وانا في عز شبابي وسبني لو ومعايا ٦ بنات وطبعا عارفين البنات شيله تقيله لكن اشتغلت فى الارض وبقت زى جزوع الشجر ممدوده فى الارض كنت بشتغل ليل ونهار وبأن على وشي تقاسيم ومراره الايام لكن هفضل انا الحاجه صبرا لحد ما أعلم بناتى ال ٦ واطمن عليهم واوصلهم لبر الامان
انا اسمي روح كل اللي حواليا بيحسدوني على جمالي حتى في منطقتنا مكانوش بيندهولي غير روح البنت الجميلة بس للاسف حظي مكنش زي شكلي لاني كل ما اجي اعمل حاجه متكملش عارفين زي الساعة الجميلة كدة إللى تروسها صدت من الركنة مش بتشتغل اهو انا كدة إلى حالي واقف اهلي لفوا بيه على المشايخ قال ايه معمولي عمل جربت كل حاجة سحر وشعوذه ودجل لحد ما بقيت زي الزرعة الشطاني اللي فروعها كل مادا بتخنقني وجزورها بتمد فى الارض من الألم والصمت واليأس والخوف
القضيه: حرمان من التعليم اسمي سميه انا من عيله متوسطه الدخل من صغري بحب الصور و التلوين والرسم وكان نفسي اتعلم لكن اهلي رفضوا يعلموني ، كانت المدرسه جمب بيتنا كنت بصحي الصبح اسمع شرح المدرسين واحاول اكتب وراهم ووقت الفسحه كان نفسي كل مره انزل العب مع العيال اللي بتلعب بس ماكنش ينفع طول الوقت كنت بتحايل علي اعلي ادخل مدرسه كانوا بيرفضوا لحد ماتجوزت واتجوزت واحد مش متعلم ولما خلفت كنت بعاني مع عيالي في التعليم لأن ابوهم مش متعلم وانا كنت علي قدي اوي اوي وماكنتش بعرف اذاكرلهم لحد الآن نفسي اعرف ليه اهلي منعوني من اني اتعلم ويكون معايا شهاده ..
القضيه : التحرش الجنسي اسمي چيلان بحب الحياه واللعب والرقص وكل حاجه فيها لعب اوي واكني طفله عندي 10 سنين ، نسيت اقولكم انا دلوقتي عندي 24سنه زي ماقولتلكم بحب كل حاجه حلوه وبحب السفر جدا بحب اي حاجه فيها تغير لكن طبعا علشان مافيش حاجه كامله انا حصل معايا حاجه صعبه علي اي حد انا اتعرض للتحرش الجنسي اتعرضله وانا صغيره كان عندي 13 سنه وماكنتش فاهمه أن دا تحرش ولا كنت عارفه أن دا غلط لان محدش كان مفهمني حاجه لحد ماادركت ايه اللي بيحصل وروحت اتكلمت مع ماما ووقتها هي ضربتني علي حاجه مش انا السبب فيها ولا اعرفها وفضلت اعاني نفسيا لحد الان ومبقاش عندي ثقه في نفسي ولا في اي حد حواليا
القضيه : زواج القاصرات انا ريم عندي 10 سنين اهلي فقراء وماكنش قدامهم غير انهم يجوزوني من واحد غني اوي علشان يصرف عليهم جوزي قالي ف الاول أنه هيجبلي لعب كتير ويفسحني وانا فرحت اوي لاني كنت محرومه من كل دا ولبسوني فستان ابيض ويارتني مالبسته انضربت من اول يوم زي ما انتوا شايفين وكان بيذلني وماكنش بيخرجني ولا بيجيلي الالعاب زي ماكان بيقولي انا جايه اقولكم بلاش تجوزوا عيالكم صغيرين بلاش تعملوا زي اهلي ...
القضيه الفلسطينيه انا رهف عندي 9 سنين طفله ومعشتش طفولتي كل اهلي استشهدوا وانا الوحيده اللي عايشه ؛ عايشه من غير روح عايشه جسد بس عايشه علي ذكريات مؤلمه صوت اخويا لسه سمعاه وهو بيصرخ وقت القذف اخويا مات وسابلي صورته مش زعلانه أن اهلي استشهدوا هما في الجنه وقريب هكون معاهم
القضيه: اضطراب الهويه الجنسيه انا محمود أو سكينه اهلي سموني علي اسم تيتا ام ابويا وانا غيرته لمرام وهقولكم ليه دلوقتي. كنت بتعرض لاذي نفسي كتير اوي بسبب شكلي من صغري كل اللي يشوفني يقول لامي اني شكل الولاد وفيه اللي كان بيفكرني ولد فعلا ويقول لامي انتي مطوله شعره ليه دا علشان ملامحي وصوتي خشن ودا ماكنش بيزعلني لأن اصلا عندي ميول اكتر اني اكون ولد واهلي كانو بيتكسفوا مني اوي وماكنتش بخرج خالص نسيت اقولكم اني انا لما كبرت قررت اغير اسمي دي الحاجه الوحيده اللي قدرت اغيرها واهلي طبعا مش معترفين بدا ولا فاهمين يعني حد يكون عنده اضطراب الهويه الجنسيه وحاليا انا بعاني من الاكتئاب الحاد
القضيه: المرأه المعيله انا اسمي نجوي عايشه انا واخواتي الدنيا بتوديني يمين وشمال وبشتغل علشان اصرف عليهم وطبعا الكل بيستغل اني بنت فقررت انسي اني بنت خالص وابقى راجل حلقت شعري ولبست لبس رجالي واشتغلت في الميكانيكا وبقيت اشهر ميكانيكي في المنطقه وبدل ماكنت بشتغل عند حد فتحت ورشه لنفسي واعتمدت علي نفسي ومش بخلي اخواتي محتاجين لحاجه وخليتهم يكملوا دراستهم ويبقوا احسن مني خليتهم يعملوا كل حاجه كان نفسي أنا اعملها ومعرفتش ...
القضيه: ختان البنات اسمي ريهام اهلي قرروا اعمل ختان لأن دي كانت من العادات والتقاليد زمان وانا صغيره كان عندي 7 سنين برغم اني كنت صغيره لكن فاكره كويس جدا كل حاجه وماكنتش فاهمه حاجه ولا فاهمه انا فين ولا ايه اللي هيحصل فيا دخلوني اوضه وقالولي متخافيش دي شكه دبوس وبعدها هنروح نلعب دخلت وكنت بموت من الوجع وفضلت كتير تعبانه انا فاكره كل لحظه تعبت فيها المشكله اني ماكنتش فاهمه اهلي كانوا فرحانين ليه وخصوصا امي انا لحد الآن بعاني نفسياً من الموضوع دا نفسي اسال ليه بتعملوا فينا كده ؟!
القضيه: تأخر الانجاب انا ريهام اتجوزت من 12 سنه وحلمي زي اي واحده اني اكون ام ومحملتش وأخد وسائل كتير تساعدني اني احمل ولكن كل مره مش بيحصل نصيب وكنت بتعرض للعنف من جوزي بسبب الحمل واكني انا السبب وفي مره ضربني بقسوه ونزفت وبعدها كشفت وعرفت اني كنت حامل ومكتملش حملي بسبب ضربه ليا وضاع حلمي باني اكون ام
القضيه : التنمر انا مروه عندي مرض اسمه البهاق من صغري وانا كل اللي يشوفني بيتنمروا عليا علشان جسمي لونين والأطفال كانوا بيخافوا مني وفي امهات كانت بتبعد عيالها عني واكني عندي مرض مُعدي ودخلت في حاله اكتئاب وماكنتش بخرج من اوضي لحد ما قررت اواجهه العالم واحب شكلي لأن معنديش بديل تاني بقيت بمشي في كل مكان وانا عندي ثقه اني احلي واجمل بنت ف الدنيا انا جميله زي ماانا اللي بيحبني هيحبني زي ماانا حبوا نفسكم زي ما انتو ربنا مش بيخلق حد وحش ربنا جميل بيحب الجمال ربنا خلقنا حلوين اوي حبوا نفسكم
القضيه : المرأه العامله انا الحاجه صبرا جوزي مات وانا في عز شبابي وسبني لو ومعايا ٦ بنات وطبعا عارفين البنات شيله تقيله لكن اشتغلت فى الارض وبقت زى جزوع الشجر ممدوده فى الارض كنت بشتغل ليل ونهار وبأن على وشي تقاسيم ومراره الايام لكن هفضل انا الحاجه صبرا لحد ما أعلم بناتى ال ٦ واطمن عليهم واوصلهم لبر الامان
القضيه: العنف ضد المرأة انا سعاد اتجوزت وهي صغيره ومعرفتش تعيش طفولتها واهلها غصبوها انها تتجوز وهي صغيره لأن زمان في الفلاحين اللي كانت بتزيد عن 15 سنه من غير جواز بيقولوا عنها عانس اتجوزت واحد اكبر مني ب18 سنه وخلفت بنتين وكنت رافضه اجوزهم صغيرين بس اهلي جوزي صمموا يجوزوهم وعاشوا نفس حياتي واكن الايام بتتعاد من تاني واحده جوزها منعها تجي عندنا والتانيه عايشه مع حماتها ومعذباها ومش بعرف اشوف الاتنين
القضيه: العنف الجسدي انا مروه عندي دلوقتي 24 سنه من صغري بنضرب من ابويا انا واخواتي وامي بتنضرب بسبب ومن غير سبب دائما بيكون عايز يكسرني ويذلني مش بيصرف ومش بيشتغل امي اللي بتشتغل هي واخواتي الولاد وانا بشتغل وبنصرف عليه امي مش راضيه تتطلق علشاني انا واخواتي وبتقول أن المجتمع هيبصلنا بصات وحشه لما هي تطلق جايه اقولكم اختاروا صح اختاروا الراجل الصح ومتجيش علي نفسك كده كده الناس هتتكلم فعيشي مرتاحه احسن ...
